கெய்ரோ தஹ்ரீர் சதுக்கத்தில் மீ்ண்டுமொரு முறை திரண்ட ஆர்ப்பாட்டக்காரர்களுடன் ஏற்பட்ட மோதலில் வன்முறை வெடித்தது. ஆர்ப்பாட்டக்காரர்களை விரட்டுவதற்காக எகிப்திய கலகமடக்கும் பொலிஸார் தடியடி, நீர் பீரங்கி, கண்ணீர் புகை போன்றவற்றை பாவித்தனர். இதனால் வெருண்டோடிய ஆர்ப்பாட்டக்காரர்கள் பொலிஸாரை நோக்கி கல்வீச்சில் ஈடுபட்டனர்.கடந்த ஜனவரியில் ஏற்பட்ட எகிப்திய புரட்சியின் ஆரம்ப நாட்களான ஜனவரி 25,26,27,28,29 போன்ற தினங்களில் அன்றைய எகிப்திய அரசு துப்பாக்கி சூடு நடாத்தியதனால் பல எகிப்தியர்கள் பலியானார்கள். அதற்கு காரணமானவர்களை விசாரிக்கும் வழக்கு மந்த கதியில் நடப்பதை எதிர்த்தும், மக்கள் புரட்சியை நேரடியாக ஒடுக்கியவர்கள் தொடர்ந்தும் பதவியில் இருப்பதை எதிர்த்தும் மேற்படி ஆர்ப்பாட்டம் பாதிக்கப்பட்ட பொதுமக்களால் ஏற்பாடு செய்யப்பட்டிருந்தது. சுமார் 5000 பேர் இதில் பங்கேற்றமை குறிப்பிடத்தக்கது.
No comments:
Post a Comment